السلام عليكم ورحمه الله وبركاته..
النهارده جايبالكم وصفة إنما ايه حلوة اوى وهتعجبكم كلنا بنحبها كبار وصغار واحلى من الجاهز ..
المقادير:
٣ كوب دقيق فاخر
ربع كوبايه زيت
كوب لبن دافي
معلقتين سكر
معلقه خميره فوريه
رشه ملح
معلقه كبيره خل
الطريقه :
تجيبي بوله وتحطي فيها اللبن علي الخميره علي رشه الملح و السكر ونقلبهم كويس وبعدين ننزل بالزين والخل ونقلبهم لحد ما يخلطوا علي بعض وبعدين ننزل بالدقيق ونعجن لحد ماتلم معاكي ملحوظه العجينه بتكون طريه بس مش ملزقه بتسبيها تخمر نص ساعه وبعد ما تخمر تفضيها من الهوا و تكوريها علي حسب حجم العيش اللي انتي عاوزاه وبعدين تفرديها علي شكل بيضاوي وبعدين تلفيها رول وتكوني مجهزه الصنيه وتدهنيها زيت وتحطي العجينه وتسيبي فراغ مابنها وبين التانيه عشان لسه هتخمر تاني نص ساعه بعد التقطيع وتدخليها الفرن علي درجه حراره ٢٠٠
الف هنا ..
تعليقات
إرسال تعليق